«Nurly jer» baǵdarlamasy: 40-qa jýyq kókshetaýlyq páterli boldy

KÓKShETAÝ. QazAqparat – Kókshetaý qalasynyń 40-qa jýyq turǵyny «Nurly jer» baǵdarlamasy boıynsha jańa páterdiń kiltine ıe boldy. Olardyń arasynda kóp balaly otbasylar, jetimder men múgedekter bar, dep habarlaıdy QazAqparat tilshisi.

Kókshetaý qalasynyń ákimi Amangeldi Smaıylov qalalyq ákimdikte uzaq jyldary páter kezeginde turǵan turǵyndarǵa jańa páterdiń kiltin saltanatty túrde tapsyryp, qýanyshtarymen quttyqtady. Baspanaly bolǵandardyń arasynda kópbalaly otbasylar, jetimder men múgedekter bar.

Sonyń biri - 15 jyl baspana kezeginde turǵan Bıbigúl Qadyrqyzy óńirde halyqty baspanamen qamtamasyz etý baǵytyndaǵy «Nurly jer» memlekettik baǵdarlamasynyń oıdaǵydaı júzege asyrylyp jatqandyǵy úshin qala basshysyna alǵysyn bildirdi.

«Kópten kútken qýanyshyma qol jetkizip otyrmyn. Jańa eki bólmeli páterdiń kiltin aldym», - deıdi qýanysh ıesi.