Nurly jer: Atbasarda 45 páterli kópqabatty úıler salynyp jatyr

KÓKShETAÝ. QazAqparat - Atbasar aýdanynda 2020-2025 jyldarǵa arnalǵan «Nurly jer» baǵdarlamasy boıynsha baspana qurylysy júrip jatyr, dep habarlaıdy QazAqparat tilshisi.

Aýdan ákimdiginiń málimetinshe, Atbasar qalasynda salynyp jatqan 45 páterli kópqabatty úıler jalǵa beriletin turǵyn úı retinde qarastyrylǵan.

Qurylys jumysyn «Qazbaılyk Astana» jáne «Intersoıýz Servıs» seriktestikteri júrgizip otyr.

Birinshi nysan boıynsha kelisimshart quny shamamen 412 mıllıon teńgeni qurady. Qazirgi kezde úıdiń irgetasy turǵyzylyp, qabyrǵalary qalanýda.

Al, basqa qurylys alańyndaǵy kelisimshart quny 395 mıllıon teńgeden asady.

Nóldik tsıkl jumysy júrip jatyr. Jer telimin óńdeý, irgetasyn quıý jumystary qolǵa alynǵan.

Bul nysanda 25 qurylysshy eńbek etip keledi.

Osyǵan uqsas jalǵa beriletin turǵyn úı Atbasar qalasynda birinshi jyl salynyp jatqan joq jáne jergilikti turǵyndar arasynda bul úılerge suranys joǵary.

«Halyqtyń birneshe sanatyn qamtıtyn baǵyttardyń biri – satyp alý quqyǵynsyz jalǵa beriletin turǵyn úı salý bolyp otyr. Jalǵa beriletin jyljymaıtyn múlik kóp balaly otbasylarǵa, tolyq emes otbasylarǵa, múgedek balalardy tárbıelep otyrǵan otbasylarǵa, ákimdikterde kezekte turǵandarǵa jáne jumys isteıtin jastarǵa arnalǵan», - deıdi aýdan ákimindegiler.

Aıta keteıik, Aqmola oblysynda «Nurly jer» memlekettik baǵdarlamasy júzege asyryla bastaǵan 4 jyldyń ishinde óńirde 2 mıllıon sharshy metrden astam turǵyn úı salyndy.

17 myńnan astam otbasy baspana máselesin sheshti.