«Nurly jer»: Arys turǵyndary úshin kópqabatty úı salynýda

ShYMKENT. QazAqparat -  QR  Parlamenti Májilisiniń depýtaty Erjan Qudaıbergen jumys saparymen Ońtústik Qazaqstan oblysynda bolyp, Arys qalasynyń turǵyndarymen kezdesti. Jergilikti halyqqa  Májiliste qaralyp jatqan zańdar men atqarylyp jatqan jumystar týraly baıandap berdi, dep habarlaıdy QazAqparat HAA tilshisi.

Májilis depýtaty sapar barysynda Aqdala aýyldyq okrýginiń turǵyndarymen kezdesip, halyqtyń ótinishterin tyńdady. Kezdesý aıasynda Aqdala aýylynyń turǵyny zeınetker, aýyl bıi Ábilda Aıapov ózin tolǵandyryp júrgen suraqtaryn qoıyp, tuşymdy jaýaptaryn aldy. Depýtat sondaı-aq Elbasy N.Á.Nazarbaevtyń «Nurly jer» baǵdarlamasy aıasynda Arys qalasynda boı kóterip jatqan úsh qabatty 108 páterli úıdiń qurylysyn aralap kórdi.  Ondaǵy atqarylyp jatqan jumystardyń sapaly júrgizilýin jáne ýaqytyly halyqtyń ıgiligine berilýin qadaǵalaýdy tapsyrdy.

Halyq qalaýlysy toǵyz joldyń torabynda ornalasqan shaǵyn qalada atqarylyp jatqan aýqymdy jumystarǵa oń baǵasyn berdi.