23:06, 23 Jeltoqsan 2019 | GMT +6
Nurly jer: Almatyda baǵdarlama aıasynda 23 kópqabatty úı salynyp jatyr
ALMATY. QazAqparat – Almaty qalasynyń ákimi Baqytjan Saǵyntaev qurylys jumystarynyń barysyn tekserdi, dep habarlaıdy QazAqparat tilshisi.
Alataý aýdanyna qarasty «Alǵabas» yqshamaýdanynda «Nurly jer» memlekettik baǵdarlamasy boıynsha jalpy aýdany 46 myń sharshy metr bolatyn 740 páterge arnalǵan 23 turǵyn úıdiń qurylysy júrip jatyr.
Qala ákimi Baqytjan Saǵyntaev qurylys alańyna baryp, daıyn páterlerdi aralap kórdi.
Shahar basshysy qurylystyń tapsyrý merzimin saqtaý qajettigin aıtyp, júrgizilip jatqan ishki jáne syrtqy jumystardyń sapasyna nazar aýdardy.
