Nurly jer: Almaty oblysynda 835 myń sharshy metr baspana paıdalanýǵa berildi

NUR-SULTAN. QazAqparat – Almaty oblysynyń ákimi Amandyq Batalov «Nurly jer» baǵdarlamasy boıynsha salynyp jatqan turǵyn úıler týraly aıtty, dep habarlaıdy QazAqparat tilshisi.

«Qurylys salasynda «Nurly jer» baǵdarlamasy boıynsha bıyl 1 mln sharshy metr turǵyn úıdi paıdalanýǵa berý josparlanǵan. Onyń ishinde qazirgi kezde 835 myń sharshy metr paıdalanýǵa berildi. 1 824 páteri bar 271 turǵyn úı salynyp jatyr. Sonyń arasynda 741 páterlik 121-i tapsyryldy», - dedi A. Batalov Ortalyq kommýnıkatsııalar qyzmetinde.

Onyń aıtýynsha, jeke qurylysshylar 952 páterlik 13 úıdi paıdalanýǵa berdi.

«Búginde 1 307 otbasy páterin aldy, onyń ishinde 327-si kópbalaly otbasy men áleýmettik turǵyda álsiz toptardan», - dedi ákim.

Budan buryn habarlanǵandaı, Amandyq Batalov aýyl sharýashylyǵy salasyn damytý jaıynda baıandady.