«Nurly kósh» baǵdarlamasynyń ekinshi kezeńin júzege asyrý qolǵa alynady - Elbasy

ANA. 25 mamyr. QazAqparat /Qanat Mámetqazyuly/ - «Nurly kósh» baǵdarlamasynyń ekinshi kezeńin júzege asyrýdy qolǵa alamyz. Búgin Astanada ótip jatqan Dúnıejúzi qazaqtarynyń IV quryltaıyda sóılegen sózinde QR Prezıdenti - Dúnıejúzi qazaqtary qaýymdastyǵy Tóralqasynyń tóraǵasy Nursultan Nazarbaev osylaı málimdedi.

«Bul rette shetelden kelýge nıetti qandastarymyzdy jańa óndiristi óńirler men aýyl sharýashylyǵy salasyna keńinen tartýdyń joldary saralanyp, qaralatyn bolady. Ol úshin shetten kelgen mamandardy qajettilikke baılanysty ornalastyryp, qaıta daıarlaý men oqytýdy qamtamasyz etemiz. Memleket budan ári de shettegi qandastarymyzǵa qatysty qoldaýyn jalǵastyra beretin bolady»,-dedi Prezıdent.

Sonymen qatar Memleket basshysy «Nurly kósh» baǵdarlamasynyń kelesi kezeńi negizinen alǵanda eldegi ındýstrııalandyrýmen tyǵyz baılanysty bolatynyn atap ótti.

Aıta keteıik, «Nurly kósh» shetelderdegi qazaq dıasporasy ókilderiniń Atajurtqa qonys aýdarý úderisin retteıtin baǵdarlama.