«Nurly kósh» baǵdarlamasy boıynsha Aqmola oblysynyń Qyzyljar eldi mekeninde salynǵan 276 úı daıyn

 Bul týraly www.bnews.kz portalynda ótken Online-konferentsııa barysynda QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy Qabylsaıat Ábishev málim etti, dep habarlaıdy QazAqpart.

  Komıtet tóraǵasynyń aıtýyna qaraǵanda, qazirgi ýaqytta daıyn turǵan baspananyń 152-ne úmitker bar eken. Al qalǵan 124 úı tarıhı atamekenine oralatyn qandastarymyzdyń birden qonys toıyn toılaýyna ázir. Sonymen qatar, atalǵan baǵdarlama sheńberinde Shyǵys Qazaqstan oblysynyń Kýrchatov qalasynda 200 otbasyna páter daıyndalyp jatyr. Ertis boıyndaǵy ásem qalanyń áskerı qyzmetkerlerden qalǵan kópqabatty úılerine jóndeý jumystary júrgizilýde. Sýyq, ystyq sýmen tolyq qamtylyp, zamanaýı eýrójóndeýden ótkizilip jatqan úılerdiń árleý jumystaryn jańa jylǵa deıin aıaqtaý kózdelgen. Jyl basynan bastap osy turǵyn úılerge qandastarymyzdy qonystandyrý júzege aspaq.

   «Qazirgi ýaqytta osy máselemen bizdiń komıtet jáne memlekettik organdar aınalysyp jatyr. Jalpy búgingi kúni elimizge kóship kelip jatqan aǵaıynǵa esh bóget joq. Olardy tirkeý, azamattyǵyn berý sııaqty máseleler júıeli túrde uıymdastyrylýda», deıdi Q.Ábishev.