Nurlyhan Sharhan Parıjde ótip jatqan álemdik Grand Slam jarysynyń qola júldesi úshin kúresedi
ASTANA. KAZINFORM – Qazaqstandyq tatamı sheberi Nurlyhan Sharhan Parıjde ótip jatqan álemdik Grand Slam jarysynyń qola júldesi úshin ksynǵa túsedi.
Parıjde dzıýdodan álemdik Grand Slam jarysy ótip jatyr. Búgin bul dodanyń ótip jatqanyna úshinshi kún. Ókinishke qaraı áli birde-bir balýanymyz jeńis tuǵyrynan kórine alǵan joq.
Mine, búgin qazaqstandyq dzıýdoshy Nurlyhan Sharhan kishi fınalǵa shyqty. Qola júlde úshin beldesýde otandasymyzdyń qarsylasy Eıch Danıel (Shveıtsarııa) bolmaq.
Nurlyhan Sharhan irikteý kezeńinde qarsylas shaq keltirmeı, óz tobynan úzdik shyqty. Ol alǵashqy aınalymda Natanıel Kıvany (AQSh), odan keıin álem reıtınginiń úshinshi ornynda turǵan Nıderlandy sportshysy Maıkl Korreldi utty. Shırek fınalda Aleksandr Kýkoldy (Serbııa) qosymsha ýaqytta vazarı upaıymen utyp jartylaı fınalǵa shyqty.
Jartylaı fınalda eki dúrkin álem chempıony ıspanııalyq Nıkoloz Sherazadıshvılımen kezdesip, qarsylasyna ese jiberdi.
Aıta keteıik, Frantsııa astanasy Parıjde álemdik Grand Slam týrnırine 110 elden 661 sportshy qatysyp jatyr. Qazaqstannan aıtýly dodaǵa 14 sportshy attanǵan bolatyn.
Sondaı-aq, Halyqaralyq dzıýdo federatsııasynyń (IJF) erejesi boıynsha Grand Slam týrnıriniń chempıondary – 1000, kúmis júldegerler – 700, úzdik úshtikke ilikkender 500 reıtıngilik upaıǵa ıe bolatynyn eske sala keteıik.
