Nurlyhan Sharhan Parıjde ótip jatqan álemdik Grand Slam jarysynda qola medal jeńip aldy
ASTANA. KAZINFORM – Qazaqstandyq tatamı sheberi Nurlyhan Sharhan Parıjde ótip jatqan álemdik Grand Slam jarysynda el qorjynyna qola júlde syılady.
100 keli salmaq dárejesinde synǵa túsken otandasymyz qola júlde úshin beldesýde shveıtsarııalyq qarsylasy Eıch Danıeldi aıqyn basmydylyqpen utyp, júldeli orynǵa ıe boldy. Beldesý barysynda jerlesimizdiń qarsylasy úsh eskertý alyp, jeńis birden otandasymyzǵa buıyrdy.
Nurlyhan Sharhan irikteý kezeńinde qarsylas shaq keltirmeı, óz tobynan úzdik shyqty. Ol alǵashqy aınalymda Natanıel Kıvany (AQSh), odan keıin álem reıtınginiń úshinshi ornynda turǵan Nıderlandy sportshysy Maıkl Korreldi utty. Shırek fınalda Aleksandr Kýkoldy (Serbııa) qosymsha ýaqytta vazarı upaıymen utyp jartylaı fınalǵa shyqty.
Jartylaı fınalda eki dúrkin álem chempıony ıspanııalyq Nıkoloz Sherazadıshvılımen kezdesip, qarsylasyna ese jiberdi.
Aıta keteıik, Frantsııa astanasy Parıjde álemdik Grand Slam týrnırine 110 elden 661 sportshy qatysyp jatyr. Qazaqstannan aıtýly dodaǵa 14 sportshy attanǵan bolatyn.
Sondaı-aq, Halyqaralyq dzıýdo federatsııasynyń (IJF) erejesi boıynsha Grand Slam týrnıriniń chempıondary – 1000, kúmis júldegerler – 700, úzdik úshtikke ilikkender 500 reıtıngilik upaıǵa ıe bolatynyn eske sala keteıik.
