Nurlyhan Sharhan dzıýdodan Azııa chempıonatynyń jartylaı fınalyna shyqty
ASTANA. KAZINFORM - Qytaıdyń Ordos qalasynda dzıýdodan erler men áıelder arasyndaǵy Azııa chempıonatynyń úshinshi jarys kúniniń beldesýleri ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
100 kelige deıingi salmaq dárejesinde óner kórsetetin Nurlyhan Sharhan jartylaı fınalǵa joldama aldy. Shırek fınalda ol Ózbekstan ókili Ernazar Sarsenbaevty jeńdi.
Al Arýna Jangeldına (-78 kg), Aıda Toıshybekova (+78 kg) jáne Marat Baıqamýrov (-100 kg) jubanysh beldesýlerinde kúsh synasady.
Sondaı-aq Aıdar Arapov (-90 kg) jubanysh kezeńinde taıbeılik Peng-ıÝ Chendi jeńip, qola júlde úshin beldesýge múmkindik aldy.
Osyǵan deıin Abylaıhan Jubanazar dzıýdodan Azııa chempıonatynda qola medal jeńip alǵan bolatyn.
