Nurlybek Jeńisbekuly Atyraý oblysy ákimi apparatynyń basshysy boldy
Búgin Prezıdent Ákimshiliginiń kelisimimen Atyraý oblysy ákimi apparatynyń basshysy laýazymyna Nurlybek Jeńisbekuly taǵaıyndaldy. Oblys ákimi Serik Shápkenov Prezıdenttik jastar kadrlyq rezerviniń múshesin apparat ujymyna tanystyrdy, dep habarlaıdy QazAqparat tilshisi.
Nurlybek Jeńisbekuly 1988 jyly týǵan.
Abaı atyndaǵy ulttyq pedagogıkalyq ýnıversıtetiniń fılologııa fakýltetin bitirgen.
Reseı Federatsııasynyń Prezıdenti janyndaǵy Reseı memlekettik qyzmet akademııasynan halyqaralyq qatynastar magıstri dárejesin alǵan.
Prezıdent jastar kadr rezerviniń múshesi.
Eńbek jolyn 2006 jyly «Qazaqstan» telearnasynda tilshi bolyp bastaǵan.
Ár jyldary oblystyq jáne respýblıkalyq telearnalarda redaktor, sarapshy qyzmetin atqarǵan.
2013-2017 jyldar aralyǵynda Shymkent qalasy jáne Ońtústik Qazaqstan oblysy ákimderiniń baspasóz hatshysy, keńesshisi bolǵan.
2017 jyly Eńbek jáne halyqty áleýmettik qorǵaý mınıstriniń baspasóz hatshysy, 2018 jyly Energetıka mınıstrligi Strategııalyq jáne aqparattyq damý departamenti dırektorynyń orynbasary, 2020-2022 jyldary aralyǵynda Nur-Sultan qalasy ákimi apparaty basshysynyń orynbasary, 2022 jyldyń aqpan aıynan osy taǵaıyndaýǵa deıin Aqparat jáne qoǵamdyq damý mınıstrligi aqparat komıteti tóraǵasynyń orynbasary laýazymyn atqarǵan.
«Bıyl oblys ákimi apparatynyń basshysy „A“ korpýsynyń memlekettik ákimshilik qyzmetshilerinen memlekettik saıası qyzmetshiler sanatyna aýystyryldy. Nurlybek Jeńisbekuly apparat qyzmetine qosa ıdeologııa, ishki saıasat, jastar saıasaty jáne din máselelerine jetekshilik etedi» dep habarlady oblys ákiminiń baspasóz qyzmeti.
Eske sala ketelik, budan buryn Nurlan Jańabaev Atyraý oblysy tótenshe jaǵdaılar departamentiniń basshysy bolǵanyn habarlaǵan edik.
