Nurlybek Nálibaev Prezıdentke óńirdiń damýy jóninde esep berdi
ASTANA. KAZINFORM – Memleket basshysyna Qyzylorda oblysynyń áleýmettik-ekonomıkalyq damýy, ınvestıtsııalyq jobalardy júzege asyrý barysy, «Taza Qazaqstan» ekologııalyq baǵdarlamasy aıasynda atqarylǵan jumystar, sondaı-aq oblys ortalyǵy men eldi mekenderdi abattandyrý jóninde málimet berildi. Bul týraly Aqordanyń baspasóz qyzmeti habarlady.
Oblys ákimi Nurlybek Nálibaev keıingi 4 jylda óńir ekonomıkasyna tartylǵan ınvestıtsııa kólemi 233 paıyzǵa artqanyn baıandady. Bıyl 720 mıllıard teńgeden astam qarjy tartý josparlanǵan. Onyń ishinde jeke ınvestıtsııanyń úlesi 70 paıyzdy quraıdy.
Ekonomıkany ártaraptandyrý maqsatynda aldaǵy úsh jylda aımaqta quny 2 trıllıon teńgege jýyqtaıtyn 90 ınvestıtsııalyq joba júzege asyrylady. Bul 11 myńnan asa jańa jumys ornyn ashýǵa múmkindik beredi. Bıyl jalpy quny 302 mıllıard 500 mıllıon teńge bolatyn 27 nysandy iske qosý josparlanǵan. Búginde onyń toǵyzy paıdalanýǵa berildi.
Memleket basshysy oblystyń qarqyndy damyp kele jatqanyn aıtyp, atqarylǵan jumystarǵa oń baǵasyn berdi.
Eske salsaq, buǵan deıin Prezıdenttiń jumys saparymen Qyzylorda oblysyna barǵany týraly jazǵanbyz.
Sondaı-aq Qasym-Jomart Toqaev «Qorqyt ata» halyqaralyq áýejaıynyń jańa termınalymen tanysty.