Nurlybek Nálibaev hımııa ónerkásibin qoldaý jóninde birqatar tapsyrma berdi
ASTANA. KAZINFORM — Nurlybek Nálibaev hımııa ónerkásibin damytý máseleleri boıynsha keńes ótkizdi. Bul týraly Úkimettiń baspasóz qyzmeti habarlady.
Qazaqstan Respýblıkasy Premer-mınıstriniń birinshi orynbasary Nurlybek Nálibaev hımııa ónerkásibiniń damý máseleleri boıynsha keńes ótkizdi. Onda sala kásiporyndarynyń turaqty jumysy men olardyń básekege qabilettiligin arttyrýdyń negizgi suraqtary qaraldy.
Kásiporyndardy qajetti shıkizatpen jáne turaqty energııamen qamtamasyz etýge, sondaı-aq temirjol tasymaldaryna ekonomıkalyq negizdelgen tarıfterdi qalyptastyrýǵa erekshe nazar aýdaryldy.
Jıynǵa qatysýshylar salany odan ári damytý úshin qolaıly jaǵdaılar jasaý, vedomstvoaralyq ózara is-qımyldy jetildirý jáne tejeýish faktorlardy joıý sharalaryn talqylady.
Keńes qorytyndysy boıynsha múddeli memlekettik organdar men uıymdarǵa tıisti tapsyrmalar berildi.
Aıta ketelik Úkimet hımııa ónerkásibindegi ınvestıtsııalyq jobalardy súıemeldeýdi kúsheıtedi.
