Nurlybek Nálibaev ExxonMobil kompanııasymen strategııalyq munaı gaz jobalaryn damytýdy talqylady
ASTANA. KAZINFORM — Premer-mınıstrdiń birinshi orynbasary Nurlybek Nálibaev «ExxonMobil» kompanııasynyń halyqaralyq úkimettik qatynastar jónindegi aǵa dırektory ıÝrııa Kımmen kezdesý ótkizdi. Bul týraly Úkimettiń baspasóz qyzmeti habarlady.
Kezdesý barysynda birlesken jobalardy júzege asyrýdyń aǵymdaǵy máseleleri jáne munaı-gaz salasyndaǵy yntymaqtastyqty odan ári damytýdyń perspektıvalary qaraldy.
Ózara is-qımyldyń negizgi baǵyttary, sonyń ishinde kómirsýtekterdi óndirý, eksporttyq ınfraqurylymdy damytý, sondaı-aq ınvestıtsııalyq jobalardy júzege asyrý máseleleri talqylandy. Óndiristik nysandardyń turaqty jumysyn qamtamasyz etý, Teńiz jáne Qashaǵan ken oryndaryn odan ári damytý, sondaı-aq Kaspıı qubyr konsortsıýmynyń jumys isteýi máselelerine erekshe nazar aýdaryldy.
ıÝrııa Kım Nurlybek Nálibaevty Premer-mınıstrdiń birinshi orynbasary laýazymyna taǵaıyndalýymen quttyqtap, tıimdi ári ózara tıimdi yntymaqtastyqtyń odan ári damıtynyna senim bildirdi.
Premer-mınıstrdiń birinshi orynbasary strategııalyq seriktestikti odan ári nyǵaıtýdyń, ınfraqurylymnyń senimdiligin jáne munaı-gaz sektorynyń turaqty damýyn qamtamasyz etýdiń mańyzdylyǵyn atap ótti.
Qorytyndylaı kele, Qazaqstan Respýblıkasynyń Úkimeti ınvestıtsııalyq klımatty jaqsartý, ınvestorlar úshin qolaıly ári boljamdy jaǵdaılar jasaý jáne uzaqmerzimdi yntymaqtastyq múmkindikterin keńeıtý boıynsha sharalardy dáıekti túrde júzege asyryp jatqany atap ótildi.
Kezdesý qorytyndysy boıynsha ózara is-qımyldy jalǵastyrýǵa jáne yntymaqtastyqtyń belgilengen baǵyttaryn pysyqtaýǵa daıyndyq rastaldy.
Aıta ketelik Roman Sklıar ExxonMobil kompanııasynyń basshylyǵymen kezdesken edi.
