Nurlybek Nálibaev East Hope Group ókilderimen kezdesý ótkizdi
ASTANA.KAZINFORM — Premer-mınıstrdiń birinshi orynbasary Nurlybek Nálibaev East Hope Group kompanııasynyń strategııalyq ınvestıtsııalar jónindegi bas dırektory Chen Leımen kezdesý ótkizdi.
Kezdesý barysynda Qazaqstanda óndiristik jáne energetıkalyq nysandardy qurýdy kózdeıtin alıýmınıı salasyndaǵy iri ınvestıtsııalyq jobany iske asyrý máseleleri talqylandy.
Atap aıtqanda, kompanııa Qostanaı oblysynda jalpy quny $10 mlrd-tan asatyn óndiristik keshendi iske qosýdy josparlap otyr. Joba boksıtterdi óńdeıtin taý-ken baıytý kombınatyn, alıýmınıı óndiretin elektrolız zaýytyn jáne jel elektr stantsııasyn salýdy qamtıdy.
Taraptar jobany pysyqtaýdyń aǵymdaǵy mártebesin, sondaı-aq shıkizat bazasymen, energetıkalyq ınfraqurylymmen qamtamasyz etý jáne memlekettik organdarmen odan ári ózara is-qımyl jasaý máselelerin qarastyrdy.
Kezdesý qorytyndysy boıynsha Nurlybek Nálibaev Úkimettiń jobany iske asyrý boıynsha birlesken jumysty jalǵastyrý nıetin rastady.
Anyqtama: East Hope Group álemdegi eń iri elektrolıttik alıýmınıı, glınozem jáne polıkremnıı óndirýshilerdiń qataryna kiredi. 2010 jyldan bastap kompanııa Qytaıda elektrolıttik alıýmınıı, ónerkásiptik kremnıı jáne polıkremnıı óndirisin, sondaı-aq qýattylyǵy 4,2 GVt bolatyn avtonomdy elektr stantsııasyn qamtıtyn biriktirilgen ónerkásiptik parkti qurýǵa shamamen $10 mlrd ınvestıtsııalady. Joba aıasynda 10,7 myń tikeleı jáne 30 myńnan astam janama jumys orny quryldy.
Aıta ketelik jylyna 1 mln tonna metallýrgııalyq koks óndiretin jańa óndiris iske qosylady.
