«Nurly jol» vokzalynda Jeńistiń 80 jyldyǵyna oraı fotokórme ótip, 80 aǵash egildi
ASTANA. KAZINFORM — 2025 jylǵy 5 mamyr kúni «Nurly jol» vokzal kesheninde 9 mamyr — Jeńis kúnine arnalǵan saltanatty is-shara ótti.
Іs-shara aıasynda soǵys ardagerleri men tyl ardagerlerine qurmet kórsetilip, Uly Jeńistiń 80 jyldyǵyna oraı tarıhı fotokórme uıymdastyryldy.
Fotokórmede soǵys kezeńinen syr shertetin sırek kezdesetin tarıhı sýretter men qujattar usynyldy.
Kórmeni tamashalaýǵa kelgen qala turǵyndary men qonaqtary jaýyngerlerdiń erligi men halyqtyń tyldaǵy eńbegin beıneleıtin muraǵattyq materıaldarmen tanysty.
Іs-sharanyń taǵy bir mańyzdy bóligi — vokzal kesheniniń mańynda 80 aǵash egý aktsııasy boldy. Bul aktsııa Uly Jeńistiń 80 jyldyǵyna oraı uıymdastyrylyp, óskeleń urpaqqa beıbitshilik pen tarıhqa qurmettiń sımvoly retinde ótti. Aǵash otyrǵyzý rásimine «QTJ» UQ» AQ basshylyǵy, «QTJ» UQ» AQ — «Magıstraldyq jeli dırektsııasy» fılıalynyń dırektory, ardagerler jáne vokzal qyzmetkerleri qatysty.
Atap aıtqanda, ardagerlerge erekshe qurmet kórsetilip, «QTJ» UQ» AQ basshylyǵy ardagerlermen birge aǵash egip, olardy sýarýǵa qatysty.
Bul qadam — ardagerlerge degen shynaıy rızashylyqtyń jáne bir urpaqtyń kelesi urpaqqa kórsetken ónegesiniń naqty kórinisi boldy.
Shara sońynda barlyq qatysýshy estelik sýretke túsip, ardagerlerdiń jyly lebizin tyńdady.
Bul is-shara — elimizdiń erlikke toly tarıhyn ulyqtaý men keleshek urpaqqa beıbitshilik qundylyǵyn dáripteýdiń jarqyn úlgisi.
Buǵan deıin Astanada Jeńis kúnine arnalǵan merekelik otshashý bolatyny habarlandy.