Nurlan Smaǵulov balalar aýylyna sý jańa úsh kólik syılady

ASTANA. QazAqparat - Kóktemniń alǵashqy kúninde tanymal kəsipker, "Astana Motors" kompanııasynyń prezıdenti Nurlan Smaǵulov Astanadaǵy "SOS balalar aýylynyń" tərbıelenýshilerine úlken syılyq jasady, dep habarlaıdy QazAqparat.
None
None

Balalar aýylyna arnalǵan úsh kóliktiń kiltin Parlament Senatynyń Halyqaralyq qatynastar, qorǵanys jəne qaýipsizdik komıtetiniń tóraıymy Darıǵa Nazarbaeva men Nurlan Smaǵulovtyń ózi tabys etti.
null  

"Osydan týra 20 jyl buryn osy balalar aýylynyń ashylýynda bolǵan edim. Jyldar boıy Sara Alpysqyzynyń osy ıdeıasynyń jemisin kórip kelemin. Jıyrma jyl buryn jas bolǵan shyǵarmyn, biraq, dəl búgingideı tolqyǵan bolatynmyn. Meıirim men qamqorlyqtyń dəstúri saqtalyp kele jatqanyna qatty qýanyshtymyn. Bizdiń kompanııamyzdyń qurylǵanyna 25 jyl boldy. Búgin "alǵys aıtý" kúninde Astana, Almaty, Temirtaý qalalaryndaǵy úsh balalar úıine azyn-aýlaq syıymyz - úsh kólikti syıǵa tarttyq", - dedi balalar aýylyna syılyq tabys etken Nurlan Smaǵulov.

Únemi tabıǵat aıasyna shyǵyp, mədenı-aǵartýǵa baǵyttalǵan merekelik sharaǵa qatysatyn balalar men tərbıeshiler úshin jaıly kóliktiń qandaı mańyzdy ekenin eskergen "Astana motors" kompanııasynyń prezıdenti ərqaısysy 8 oryndyq úsh Hyuandai H1markaly kóligin syılady.
null  

Halyqaralyq SOS jobasy bizdiń elde Sara Alpysqyzy Nazarbaevanyń nıetiniń arqasynda Qazaqstan Respýblıkasy Úkimetiniń qoldaýymen ashylǵan. Bıyl "SOS Qazaqstannyń balalar aýyldary" korporatıvtik qory 20 jyldyq mereıtoıyn atap ótpek. Qazir Qazaqstannyń úsh qalasyndaǵy, atap aıtsaq, Astana, Almaty jəne Temirtaý qalalaryndaǵy úsh  balalar aýylynda 340 bala tərbıe alyp jatyr. Aıta keteıik, úsh kólik osy úsh qaladaǵy aýyldarǵa bólinip berildi.

Jalpy, "SOS balalar aýyly" degenimiz - ata-anasynyń qamqorlyǵynsyz qalǵan balalardy óte erekshe jaǵdaıda, jylýǵa toly úıdiń meıirimin sezdire otyryp tərbıeleý degen sóz.

Сейчас читают