Nurlan Saýranbaev Kólik mınıstri qyzmetinde qaldy
ASTANA. KAZINFORM — Nurlan Saýranbaev Kólik mınıstri bolyp taǵaıyndaldy.
Tıisti Jarlyqqa Prezıdent Qasym-Jomart Toqaev qol qoıdy.
— Nurlan Ermekuly Saýranbaev Qazaqstan Respýblıkasynyń Kólik mınıstri laýazymyna taǵaıyndalsyn, — delingen qujatta.
Nurlan Saýranbaev 1967 jylǵy 20 mamyrda dúnıege kelgen.
Almatydaǵy № 30 orta mektepte oqydy.
1991 jyly S. M. Kırov atyndaǵy Qazaq memlekettik ýnıversıtetin «Saıası ekonomıka» mamandyǵy boıynsha támamdady.
Eńbek jolyn kásipkerlik qurylymdarda bastady. Odan ári 1997-2011 jyldary aralyǵynda temirjol jáne munaı-gaz salalaryndaǵy ulttyq kompanııalarda jumys istedi. 2011 jyldan bastap QR Indýstrııa jáne jańa tehnologııalar vıtse-mınıstri, Qorǵanys Mınıstriniń orynbasary (2014-2016), Shymkent qalasynyń ákimi laýazymdarynda eńbek etti (2017-2018). Qazaqstan Respýblıkasy Prezıdenti Ákimshiliginde memlekettik baqylaý jáne uıymdastyrý-aýmaqtyq jumys bóliminiń meńgerýshisi boldy (2019-2021).
Buǵan deıin «QTJ „UK"AQ tóraǵasy qyzmetin atqardy.
2025 jylǵy maýsymda Kólik mınıstri bolyp, 2026 jylǵy 3 qyrkúıekte bul qyzmetke qaıta taǵaıyndaldy.
Eske salaıyq, buǵan deıin Dáýren Qosanov Qorǵanys mınıstri, Erjan Sádenov Іshki ister mınıstri, Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy, Serik Jumanǵarın Premer-mınıstrdiń orynbasary — Ulttyq ekonomıka mınıstri, Jaslan Mádıev Jasandy ıntellekt jáne tsıfrlyq damý mınıstri, Nurlybek Nálibaev Premer-mınıstrdiń birinshi orynbasary, Qanat Bozymbaev Premer-mınıstrdiń orynbasary, Mádı Takıev Qarjy mınıstri laýazymyna taǵaıyndalǵanyn habarlaǵanbyz.
