Nurlan Ospanov «Azyq-túlik korporatsııasy» UK» AQ basqarma tóraǵasy qyzmetine saılandy

ASTANA. 23 qazan. QazAqparat - «QazAgro» ulttyq basqarýshy holdıngi» AQ Dırektorlar keńesiniń sheshimimen Nurlan Ospanov «Azyq-túlik kelisim shart korporatsııasy» ulttyq kompanııasy» AQ Basqarma tóraǵasy bolyp saılandy.  Bul týraly «QazAgro» UBH» AQ baspasóz qyzmeti habarlady.

Azyq-túlik korporatsııasynyń jańa basshysyn ujymǵa Holdıngtiń Basqarma tóraǵasy Dýlat Aıtjanov tanystyrdy. 

Nurlan  Eleýsizuly Ospanov 1971 jyly týǵan. Qazaq Memlekettik basqarý akademııasyn «ekonomıst» mamandyǵy boıynsha, Qazaq gýmanıtarlyq-zań ýnıversıtetin «zańger» mamandyǵy boıynsha aıaqtady.    

Eńbek jolyn QR Qarjy mınıstrliginde 2-shi sanatty ekonomıst qyzmetinen bastady. Ártúrli jyldary QR Aýyl sharýashylyǵy mınıstrliginde Qarjy departamentiniń dırektory laýazymynda, QR Ekonomıka jáne bıýdjettik josparlaý mınıstrliginde Halyqaralyq qatynastar departamentiniń dırektory, QR Qarjy mınıstrliginiń Qarjylyq baqylaý jáne memlekettik satyp alý komıtetiniń tóraǵasynyń orynbasary, «Azyq-túlik korporatsııasy» UK» AQ basqarýshy dırektory,  Basqarma tóraǵasynyń orynbasary qyzmetin atqardy. Jańa laýazymǵa taǵaıyndalǵanǵa deıin «QazAgro» ulttyq basqarýshy holdıngi» AQ Basqarma tóraǵasynyń orynbasary qyzmetin atqardy.