Nurlan Orazbaev QR hokkeı quramasynyń bas menedjeri qyzmetinen bosatyldy
ASTANA. 4 maýsym. QazAqparat - Búgin Astanada QR Hokkeı federatsııasynyń prezıdenti Asqar Mamınniń tóraǵalyǵymen atqarýshy komıtettiń otyrysy ótti.
Atqarýshy komıtettiń músheleri Qazaqstannyń erler jáne áıelder ulttyq quramalarynyń, jasóspirimder (18 jasqa deıin), jastar (20 jasqa deıin) jáne qyzdar (18 jasqa deıin) komandalarynyń bas jattyqtyrýshylary daıyndaǵan esepterin tyńdady.
Komıtet músheleri Andreı Shaıanovty shaıbaly hokkeıden ulttyq erler quramasynyń bas bapkeri qyzmetinen bosatý týraly sheshim shyǵardy. Basty sebep - Qazaqstan quramasynyń Helsınkıde 4-20 mamyr aralyǵynda ótken Álem chempıonatynyń top-dıvızıonyndaǵy qanaǵattanarlyqsyz oıyny. Komıtet otyrysynda QR hokkeı quramasynyń bas menedjeri Nurlan Orazbaev óziniń suraýy boıynsha qyzmetinen bosatyldy.
Ulttyq quramanyń bas bapkeri men bas menedjeri jáne ózge de komandalardyń jattyqtyrýshylary QHF-niń kelesi otyrysynda taǵaıyndalady. Bul týraly Qazaqstannyń shaıbaly hokkeı federatsııasy habarlady.
