Nurlan Orazbaev «Barys» komandasynyń bas dırektory qyzmetinen ketti

ASTANA. KAZINFORM — Nurlan Orazbaev elordalyq «Barys» hokkeı komandasynyń bas dırektory qyzmetinen ketti. 

Bul jóninde komandanyń baspasóz qyzmeti málim etti.

Qazaqstandyq maman atalǵan qyzmetke 2024 jyldyń qazan aıynda taǵaıyndalǵan edi.

Oodan keıin komandadaǵy AQSh, Kanada elderinen kelgen hokkeıshilerden bas tartty. Elordalyq klýb sapynda negizinen qazaqstandyq jastarǵa kóńil bóldi. Sondaı-aq olarmen birge reesılik hokkeıshiler de oıyn kórsetti. 

Nurlan Orazbaev 1968 jyly dúnıege kelgen. Sporttyq mansabynda qaraǵandylyq «Avtomobılıst», temirtaýlyq «Bolat» jáne elordalyq «Barys» komandalarynda oınady.

Al budan buryn 2006-2012, 2013-2015 jyldarda elordalyq klýbtyń prezıdenti qyzmetin atqardy.

Bıyl «Barys» Qurlyqtyq hokkeı lıgasynda sátsiz oıyn kórsetti. Shyǵys konferentsııasynda 12 oryn alyp, 68 oıynnan keıin nebári 35 upaı jınady.