Nurlan Ónerbaev: Halyqqa umytylmas án keshin syılaǵym keledi
ASTANA. QazAqparat - Bıyl 24 qarashada Almatydaǵy «Respýblıka» saraıynda tanymal ánshi, akter, QR Eńbek sińirgen qaıratkeri Nurlan Ónerbaevtyń «Saǵynysh» atty án keshi ótedi, dep habarlaıdy QazAqparat.
«Anashym», «Aýylym», «Qaraǵym-aı», «Aı da, kún de» ánderimen tanymal bolǵan ánshi tyńdarmandaryn saǵynǵandyqtan kontserttiń atyn "Saǵynysh" dep qoıypty.
«Kontserttiń atyn «Saǵynysh» dep atadym. Óıtkeni, kórermenderim men tyńdarmandarymdy shyn məninde saǵynǵan sııaqtymyn. Əsirese, almatylyq óner súıer qaýymnyń orny erekshe dep bilemin. Meni kıeli sahnanyń qoshemetine bólegen de,bıgine kótergen de - Almaty turǵyndar. Sondyqtan, talǵamǵa saı estetıkalyq, maǵynaly óner keshin syılaǵym keledi», - dedi Nurlan Ónerbaev.
Sondaı-aq, ánshi uzaq jyldar boıy túrli memlekettik qyzmetterde jumys istep, kórermenniń ystyq yqylasynan qol úzip qalǵanyn jasyrmady.
«Biraz jyl memlekettik qyzmette júrip, kórermenderimnen alshaqtap qaldym. Tyńdarmandarym da əleýmettik jeliler arqyly sahnadan izdeıtinderin, ənderimdi saǵynatyndaryn bildirip jatyr. Sol sebepti, óner súıer qaýymǵa umytylmas án keshin syılaýdy uıǵardym. Men bul keshke erekshe daıyndalyp jatyrmyn. Barlyǵyńyzdy arqa-jarqa otyryp ən tyńdaýǵa shaqyramyn», - dep bólisti ánshi.
Aıta keteıik, Nurlan Ónerbaevtyń shyǵarmashylyq keshi 24 qarasha kúni Almatydaǵy Respýblıka saraıynda saǵat 19.00-de ótedi.
