Nurlan Ónerbaev 24 qarasha kúni Almatyda án keshin ótkizedi

ASTANA. QazAqparat - 24 qarasha kúni Almatydaǵy Respýblıka saraıynda, «Anashym», «Qazaq qyzy», «Aýylym», «Qaraǵym-aı» ánderimen qalyń kórermenniń súıikti ánshisine aınalǵan Nurlan Ónerbaevtyń «Saǵynysh» atty án keshi ótedi, dep habarlaıdy «QazAqparat» HAA tilshisi.

«Meni kópshilik ónerden alystap ketti dep jatady. Shyn mánisinde olaı emes. 2011 jyly Astanada shyǵarmashylyq keshim ótti. Odan keıin Mońǵolııadaǵy, Qytaıdaǵy qazaq qandastarymyzdy aralap keldim. Elimizdiń birneshe aımaqtarynda boldym.  Almatyda kontsert bermegenime 7 jyl ótkeni ras. Bul aralyqta ánder jınaqtaldy. Bir kontsertke jeterlik án jınaldy-aý degende, kesh ótkizýge kirisemin.  Meniń oıymsha, kórermen óz ánshisin izdeýi kerek. Sol kezde halyqqa esep berer ýaqyttyń jetkenin óziń de sezinesiń. Men tyńdarmanymdy, tyńdarmannyń meni saǵynǵan ýaqyty kelgen sııaqty. Keshtiń «Saǵynysh» atalý sebebi de sol», - dedi ánshi.

Aıta keteıik, ánshiniń shyǵarmashylyq keshi 24 qarasha kúni Almatydaǵy Respýblıka saraıynda saǵat 19.00-de ótedi.