Nurlan Nyǵmatýlın Jambyl oblysynda bolǵan jol apatyna baılanysty kóńil aıtty
NUR-SULTAN. QazAqparat - QR Parlamenti Májilisiniń tóraǵasy Nurlan Nyǵmatýlın Jambyl oblysynyń Qordaı aýdanynda jol apatynan qaza bolǵandardyń jaqyndary men týystaryna kóńil aıtty, dep habarlaıdy QazAqparat Májilistiń baspasóz qyzmetine silteme jasap.
«Májilis depýtattarynyń atynan jáne jeke óz atymnan Jambyl oblysynda bolǵan jol-kólik apatynan qaıtys bolǵan azamattardyń barlyǵynyń jaqyndary men týystaryna kóńil aıtamyn. Qanshama adamnyń ómirin qyrshynynan qıǵan bul qaıǵyly jaǵdaı bizdiń qabyrǵamyzdy qaıystyrdy. Qaıǵylaryńyzǵa ortaqpyz»,-dedi Májilis tóraǵasy.
Nurlan Nyǵmatýlın sonymen qatar osy oqıǵanyń saldarynan zardap shekkenderdiń barlyǵynyń tezirek saýyǵyp ketýine tilektestigin bildirdi.
