Nurlan Nyǵmatýlın: Týrızm salasynyń bolashaǵyn sheneýnikter sheshpeýi kerek
Buǵan deıin Májilis tóraǵasy Nurlan Nyǵmatýlın týrıstik qyzmetke qatysty zańǵa engiziletin keıbir ózgeris negizsiz ekenin málim etken bolatyn.
Onyń aıtýynsha, týroperatorlardyń sanyn aıqyndaý Mádenıet jáne sport mınıstrligine bir maqsat úshin ǵana kerek boldy. Ol – týroperatorlardy «Týrıstik qamqor» qoryna jarna aýdarýǵa mindetteý.
«Bary osy! Mınıstr hanym, bıznesti qorǵaımyz deýdiń qajeti joq. «Atamekenniń» bul máseleni ýaqtyly kótergeni qandaı jaqsy bolǵan. Ádemi sózdiń artynda múlde basqa maqsat tur. Mynadaı joǵary minberde bıznesti qorǵaımyz dep urandap, týrıstik kompanııalarǵa kerisinshe qysym kórsetýge tyrysýdyń qajeti joq», - degen edi Májilis spıkeri.
Májilis tóraǵasynyń aıtýynsha, zań jobasynyń úkimettik nusqasy týroperatorlarǵa qosymsha mindet júkteýdi kózdeıdi.
«Bul másele ekinshi oqylymǵa deıin jiti zerttelip, talqylanýy kerek. Bul rette týrızmniń bolashaǵyn talqylaýda týrıstik salanyń kompanııalary keńinen tartylýy tıis. Bul máseleni sheneýnikter sheshpeýi kerek. Úkimet nusqasyn qarasaq, onda qosymsha tólem belgileý, úsh topqa bólip lıtsenzııalaý kózdelgen. 2025 jyly bul baǵytta kórshi memlekettermen qalaısha básekelese alamyz? Qaıtalap aıtamyn: bul máseleniń talqylanýyna týrıstik qaýymdastyqtardyń ókilderi tartylýy kerek», - dedi ol.
