Nurlan Nyǵmatýlın TMD PA baıqaýshylarymen kezdesti

NUR-SULTAN. QazAqparat - Májilis Tóraǵasy Nurlan Nyǵmatýlın Qazaqstan Respýblıkasy Prezıdentiniń kezekten tys saılaýy qarsańynda Ilıas Magomed-Salamovıch Ýmahanov bastaǵan TMD Parlamentaralyq assambleıasy baıqaýshylarymen kezdesti, dep habarlaıdy QazAqparat Májilistiń baspasóz qyzmetine silteme jasap.

N. Nyǵmatýlın atalǵan uıym ókilderiniń Qazaqstandaǵy saılaýlarǵa dástúrli túrde qatysyp kele jatqanyn joǵary baǵalaıtyny alǵa tarta kelip, bizdiń elimizde halyqaralyq standarttarǵa sáıkes, taza, ashyq jáne ádil saılaý ótkizý úshin barlyq jaǵdaı jasalǵanyn atap ótti.

Búginde saılaý dodasyna oppozııatsııalyq partııany qosa alǵanda, ártúrli saıası kúshter atynan 7 kandıdat qatysýda.

Májilis Tóraǵasynyń pikirinshe, Reseı - Qazaqstannnyń mańyzdy strategııalyq áriptesi, senimdi dosy, tatý kórshisi.

Taraptardyń aıtýynsha eki el basshylary Nursultan Nazarbaev pen Vladımır Pýtınniń ózara túsinistik pen dostyq qarym-qatynastarynyń arqasynda Qazaqstan jáne Reseı Federatsııasy arasyndaǵy strategııalyq áriptestik joǵary deńgeıge jetti.

Aldaǵy ýaqytta da qos memleket ıntegratsııalyq birlesitkter aıasynda yntymaqtastyqty odan ári tereńdetýge jáne keńeıtýge múddeli.

Sonyń ishinde, parlamentaralyq yqpaldastyqty kúsheıtýdiń mańyzdylyǵy zor.