Nurlan Nyǵmatýlın Táýelsizdiktiń 30 jyldyǵyna oraı májilismenderge memnagradalar tapsyrdy
Májilis spıkeri depýtattyq korpýsty Táýelsizdiktiń 30 jyldyǵymen quttyqtaı otyryp, Qazaqstannyń osy jyldardaǵy barlyq tabystary men jetistikteri barsha qazaqstandyqtardyń eńbeginiń jáne el basshylyǵynyń strategııalyq bastamalaryn iske asyrýdyń nátıjesi ekenin atap ótti.
Bul eń aldymen, Tuńǵysh Prezıdentimiz, Elbasy Nursultan Ábishuly Nazarbaevtyń eren eńbeginiń, sonymen birge, árqashanda Prezıdentimizge tirek bolyp, qoldaý bildirip kele jatqan halqymyzdyń bereke-birliginiń jemisi. Qazirgi ýaqytta Memleket Basshysy Qasym-Jomart Kemeluly Toqaev osy tolaǵaı tabystarymyzdy saqtap, strategııalyq damý baǵytyn odan ári jalǵastyryp keledi, - dedi Nurlan Nyǵmatýlın.
Sonymen qatar, Májilis Tóraǵasy elimiz tarıhymen birge kele jatqan Parlamenttiń, onyń depýtattarynyń da qosyp jatqan úlesi óte zor ekenin atap ótti.
Memlekettik jáne qoǵamdyq qyzmettegi eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin I dárejeli «Barys» ordenimen Májilis depýtaty Darıǵa Nazarbaeva, III dárejeli «Barys» ordenimen Bekbolat Tileýhan marapattaldy.
Májilis Tóraǵasy «Parasat» ordenin Amanǵalı Berdalınge, Amanjan Jamalovqa, Irına Smırnovaǵa jáne Baqytbek Smaǵulǵa tabystady.
Nurlan Nyǵmatýlın «Qurmet» ordenin Májilis depýtattary «Azamat Ábildaevqa, Aıqyn Qońyrovqa, Aıbek Paıaevqa jáne Apparat Basshysynyń orynbasary Jaslan Júginisovke, bólim meńgerýshisi Bolat Muqanovqa tabystady.
Al, «Eren eńbegi úshin» medali Serik Erýbaevqa, Dmıtrıı Kolodaǵa, ıÝrıı Lıge, Igor Panchenkoǵa, Ǵanı Tashqaraevqa, Maqpal Tájmaǵambetovaǵa jáne bólim meńgerýshisi Gúlmıra Qalmanbetovaǵa, Apparat qyzmetkeri Marhabat Qosabaeva men Salım Ómirzaqovqa berildi.
Qazaqstan Respýblıkasynyń Qurmet gramotasymen Apparat qyzmetkerleri Mádına Qasenova, Nazgúl Kóshkimbaeva, Aıjan Matybaeva, Rýstam Tilegenov jáne Gúlmıra Shyntaeva marapattaldy.
Sonymen qatar, Táýelsizdik jyldarynda elimizdiń qalyptasýy men damýyna qosqan úlesi úshin Májilis depýtattary «Qazaqstan Respýblıkasynyń Táýelsizdigine 30 jyl» mereıtoılyq medaldarmen marapattaldy.
Májilis Tóraǵasy TMD parlamenttik assambleıalary men Ujymdyq qaýipsizdik týraly shart uıymy nagradalaryn tapsyrdy.
«Dostastyq» ordeni Premer-Mınıstrdiń orynbasary – Syrtqy ister mınıstri Muhtar Tileýberdige jáne Májilis depýtaty Muhtar Ermanǵa berildi. TMD PAA medaldarymen Májilis depýtattary Saýytbek Abdrahmanov, Jámıla Nurmanbetova, Darhan Myńbaı, Qudaıbergen Erjan jáne Syrtqy ister mınıstriniń orynbasary Marat Syzdyqov marapattaldy. TMD PAA Qurmet gramotalary Snejanna Imashevaǵa, Lazzat Ramazanovaǵa, Baýyrjan Sartbaevqa berilse, Ujymdyq qaýipsizdik týraly shart uıymy PA medali Májilis depýtaty Arman Qojahmetovke, Ujymdyq qaýipsizdik týraly shart uıymy PA Qurmet gramotasy Erlik Taıjanovqa tabystaldy.
