Nurlan Nyǵmatýlın ShQO stýdentterimen jáne volonterlermen kezdesti

ÓSKEMEN. QazAqparat - Májilis Tóraǵasy Nurlan Nyǵmatýlınniń pikirinshe, Memleket basshysy jarııalaǵan volonter jyly jańa bastamalar ýaqyty bolmaq. Májilis Tóraǵasy atalǵan aımaqqa sapary barysynda D. Serikbaev atyndaǵy Shyǵys Qazaqstan Memlekettik tehnıkalyq ýnıversıtetinde bolǵan oblystyq jastar men eriktiler uıymdary ókilderimen kezdesýinde osyndaı pikir bildirdi, dep habarlaıdy QazAqparat tómengi palatanyń baspasóz qyzmetine silteme jasap.

Kezdesýde Elbasy Nursultan Nazarbaevtyń Strategııasyn jáne Memleket basshysy Qasym-Jomart Toqaev baǵdarlamalaryn, sondaı-aq olardy zańnamalyq qamtamasyz etýdiń basym baǵyttaryna nazar aýdaryldy. Májilis tóraǵasy Shyǵys Qazaqstan oblysy ónerkásibi jáne aýyl sharýashylyǵy qatar damyǵan, táýelsiz elimizdiń ekonomıkasyna zor úles qosyp kele jatqan tabıǵaty baı, ındýstrııalyq áleýeti myqty irgeli aımaqtardyń biri ekenin aıtty. Osy rette Qazaqstannyń bolashaǵy jastarda ekenin alǵa tartqan N. Nyǵmatýlın elimizdiń jarqyn keleshegi sizderdiń bilimderińizge, energııalaryńyz ben patrıotızmderińizge baılanysty deı kelip, oblys jastarynyń týǵan elimizdi, jerimizdi órkendetýge belsene aralasatynyna senim bildirdi.

Nurlan Nyǵmatýlın Qazaqstanymyzdyń Tuńǵysh Prezıdenti Nursultan Nazarbaevtyń bastamalarymen jastardy qoldaýǵa baǵyttalǵan baǵdarlamalarǵa nazar aýdardy. Memleket basshysy Qasym-Jomart Toqaevtyń 2020 jyldy «Volonter jyly» dep jarııalaýynyń mańyzdylyǵyna toqtala kelip, osy jyl mańyzdy, maǵynaly oqıǵalarǵa toly bolatynyna senim bildirdi. Sebebi, eriktilik qyzmet jastardy qaıyrymdylyqqa, qamqorlyqqa baýlýmen qatar, belsendi ómir súrýge,tájirıbe jınaýǵa, jeke tulǵa retinde qalyptasýǵa yqpal etpek. Odan ári Májilis tóraǵasy jastar aldynda qazirgi ýaqytta QR Prezıdentiniń bastamasymen qolǵa alynyp jatqan sharalar týraly jáne olardy zańnamalyq qoldaý jumystary týraly jan-jaqty baıandady.

Kezdesý sońynda Májilis Tóraǵasy oblys jastaryn bilimniń jańa bıigin baǵyndyryp, árqashan básekege qabiletti bolýǵa shaqyrdy.