Nurlan Nyǵmatýlın shetel parlamentteriniń ókilderimen kezdesti
ASTANA. QazAqparat - Tuńǵysh Prezıdent kúnine arnalǵan «Astana - jahandyq ıntegratsııa, beıbitshilik jáne qaýipsizdik ortalyǵy» halyqaralyq parlamenttik konferentsııasy aıasynda Májilis tóraǵasy Nurlan Nyǵmatýlın sheteldik parlamentterdiń vıtse-spıkerlerimen birqatar ekijaqty kezdesýler ótkizdi. Bul týraly QazAqparat Májilistiń baspasóz qyzmetine silteme jasap habarlaıdy.
Reseı Federatsııasy Federaldyq Jınalysynyń Memlekettik Dýmasy Tóraǵasynyń orynbasary Sergeı Neverovpen kezdesý barysynda Qazaqstan men Reseı arasyndaǵy parlamentaralyq ózara is-qımyldyń bolashaq baǵyttaryn talqylaý barysynda Palata komıssııasynyń, arnaıy komıtetter men yntymaqtastyq toptardyń áleýetin belsendi paıdalanýdyń mańyzdylyǵy atap ótildi. Eki eldiń strategııalyq áriptestigi týraly áńgime barysynda Petropavl qalasynda ótken Qazaqstan men Reseı basshylarynyń, Nursultan Nazarbaev pen Vladımır Pýtınniń qatysýymen ótken Aımaqaralyq yntymaqtastyqtyń XV forýmynyń qorytyndysyna erekshe nazar aýdaryldy.
Májilis tóraǵasy Nurlan Nyǵmatýlın Ázerbaıjan Respýblıkasy Mıllı Medjlısi tóraǵasynyń birinshi orynbasary Zııafet Askerovpen kezdesýinde, Kaspıı teńiziniń quqyqtyq mártebesi týraly konventsııaǵa qol qoıýdyń mańyzdylyǵyn atap ótti. N.Nyǵmatýlınniń aıtýynsha, Kaspıı mańyndaǵy memleketter tarıhynda jańa kezeń bastalady. Qazaqstan men Ázirbaıjan parlamentshileri eki el arasyndaǵy yntymaqtastyqty odan ári arttyrýǵa nıet bildirdi.
Qazaqstan-Túrkııa parlamentaralyq yntymaqtastyǵynyń perspektıvalyq baǵyttary týraly Májilis Tóraǵasy N. Nyǵmatýlın Túrki Respýblıkasynyń Uly Ulttyq Jınalysy tóraǵasynyń orynbasary Mýstafa Shentoppen kezdesti.
Onda N.Nyǵmatýlın bul jalpyǵa ortaq túrki murasyn jańartýǵa baǵyttalǵan Qazaqstan Prezıdenti Nursultan Nazarbaevtyń bastamalaryn júzege asyrý jolyndaǵy birlese jumys atqarý máselesine basa nazar aýdardy.
N.Nyǵmatýlın Lıtva Respýblıkasynyń Seımi tóraǵasynyń orynbasary Remıgıýs Jemaıtaıtıspen Lıtva parlamentshilerimen parlamentaralyq dıalogty nyǵaıtý Májilistiń mańyzdy is-sharalarynyń biri bolyp tabylatynyn aıtty. Qazaqstan men Lıtva yntymaqtastyǵyn damytýdyń úlken áleýeti «jańa ekonomıka» salasy, eń aldymen, sandyq jáne qarjylyq tehnologııalar bolyp tabylady.
Qyrǵyzstan parlamentiniń vıtse-spıkeri Asel Kodýranovamen áńgimelesý barysynda Májilis tóraǵasy qazaqstandyq jáne qyrǵyz parlamentshileriniń eki el arasyndaǵy áriptestiktiń mańyzdy quramdas bóliginiń ózara baılanysyna nazar aýdardy.
Májilis tóraǵasy konferentsııaǵa qatysqany úshin parlamentshilerge alǵysyn bildirip, depýtattardyń halyqaralyq kún tártibindegi ózekti máselelerdi sheshý jolyndaǵy kúsh-jigerin úılestirýdiń mańyzdylyǵyn atap ótti.
Óz kezeginde taraptar is-sharanyń joǵary deńgeıde uıymdastyrylǵanyn aıtyp, ózara yntymaqtastyqty arttyrýǵa daıyn ekendikterin jetkizdi.
