Nurlan Nyǵmatýlın: Polıtseıdiń alataıaǵy hırýrgtiń pyshaǵyndaı mańyzdy
NUR-SULTAN. QazAqparat - QR Parlamenti Májilisiniń jalpy otyrysynda Palata tóraǵasy Nurlan Nyǵmatýlın jol polıtsııasy qyzmetkerlerine alataıaqtyń qaıtarylýy týraly ázildedi, dep habarlaıdy QazAqparat.
«Qazaqstan men Armenııa Úkimetteri arasyndaǵy azamattyq qorǵanys, tótenshe jaǵdaılardyń aldyn alý men olardy joıýdaǵy yntymaqtastyq kelisimin ratıfıkatsııalaý týraly» zań jobasyn talqylaýda Májilis Tóraǵasy Іshki ister mınıstrinen qazaqstandyq taraptyń shyǵyndaryn óteý týraly suraq qoıdy.
«Tótenshe jaǵdaıda kómektesý úshin alǵashqy úsh táýlikte qazaqstandyq qutqarý jasaǵy óz qarajatyn jumsaıdy. ıAǵnı, úsh táýlikke jeterlik azyq-túlik, shatyr, tósek-oryn, jabdyqtar beriledi. Odan keıingi kúnder úshin kómek suraǵan memleket barlyq qaýip-qater seıilgenshe qarjylandyrýy tıis», - dep jaýap berdi QR Іshki ister mınıstri Erlan Turǵymbaev.
Osy oraıda Nurlan Nyǵmatýlın alǵashqy táýlikter shyǵynyn úkimettik komıssııa óteıtinin atap ótti.
«Keıinirek úkimettik komıssııa sheshimimen barlyq shyǵyndaryńyz óteledi. Taǵy da Іshki ister mınıstrliginiń esebi túgel. Olarǵa qazir qarajat basqa nársege kerek. Alataıaqty qaıtaryp berdi ǵoı. Bul durys. Hırýrgke qandaýyry (skalpel) qandaı mańyzdy bolsa, polıtseı úshin de alataıaq mańyzdy», - dedi Májilis tóraǵasy.
Eske sala ketsek, Іshki ister mınıstrligi 1 qyrkúıekten bastap jol qozǵalysyn retteý úshin alataıaqty qaıta qoldanýǵa kóshedi. Endi polıtseıdiń ústinde sary tústi keýdeshe, jaryq shaǵylystyrǵysh qolǵap, sondaı-aq alataıaq, jáne ysqyrǵysh bolady.
