Nurlan Nyǵmatýlın Pavlodar oblysynyń bir top azamatyna memlekettik nagradalar tabystady
Nurlan Nyǵmatýlın Pavlodar oblysy egemen elimizdiń qalyptasýyna, ósip-órkendeýine, damýyna eleýli úles qosyp kele jatqan iri ortalyq jáne ındýstrıaldyq aımaq ekenin atap ótti. Búgingi kúni osy aımaqta Tuńǵysh Prezıdent – Elbasy Nursultan Ábishuly Nazarbaevtyń strategııalyq ıdeıalary jáne Memleket basshysy Qasym-Jomart Toqaevtyń mańyzdy bastamalary tabysty júzege asyrylyp, olar tek oblystyń ǵana emes, jalpy elimizdiń ekonomıkalyq damýyna zor yqpal etip otyrǵanyn aıtty.
Sonymen qatar palata Spıkeri Pavlodar oblysy - ınnovatsııalyq-ındýstrııalyq damý, iri ónerkásip, munaı, elektr ónimderin óndirý sııaqty basqa da salada joǵary kórsetkishterge ıe bolǵan, memleketimizdiń áleýmettik, ekonomıkalyq damýyna yqpal etip kele jatqan aımaq ekenin erekshe atap ótti.
Elimizdiń jáne óńirdiń áleýmettik-ekonomıkalyq jáne mádenı damýyna qosqan eleýli úlesi úshin pavlodarlyqtar joǵary memlekettik nagradalarǵa ıe boldy.
Atap aıtqanda, II dárejeli «Barys» ordeni muǵalim Natalıa Pokıdova, «Parasat» ordeni Eńbek ardageri Ábı Sarqynshaqovqa tabystaldy. «Qurmet» ordenin kómir kenishiniń mashınısi Sergeı Şerbakov, aqyndar Ǵalymbek Jumatov pen Arman Qanı alsa, III dárejeli «Eńbek Dańqy» ordenine – syǵymdaýshy Edık Baltabaev, energoblok mashınısi Anatolıı Kamnev, jabdyqtardy jóndeý qyzmetiniń sheberi Vladımır Levanın, «Aqsý» ferroqorytpa zaýytynyń balqytýshysy Oral Myrzataev ıe boldy.
«Eren eńbegi úshin» medali tarıhshy, ólketanýshy Ernest Sokolkınge, dárigerler Eltaı Batholdınge jáne Zınaıda Razdorskaıaǵa, orman sheberi Vladımır Pokorskııge, kásipker Gúlmıra Nurhanovaǵa berildi. Qazaqstan Respýblıkasynyń «Qurmet gramotasymen» «Qazaqstannyń Qyzyl Jarty Aı qoǵamy» oblystyq fılıalynyń basshysy Gúlnar Isaqanova, A. P. Chehov atyndaǵy Pavlodar oblystyq drama teatrynyń jetekshisi Vıktor Avvakýmov maraptaldy.
