Nurlan Nyǵmatýlın óziniń densaýlyǵy jaıynda aıtyp berdi
ASTANA. QazAqparat - Búgin Parlament Májilisiniń jalpy otyrysynan keıin tilshiler qaýymy Májilis Tóraǵasy Nurlan Nyǵmatýlınnen onyń densaýlyǵy jaıynda surady, dep habarlaıdy QazAqparat.
«Barlyǵy jaqsy. Sizderge de myqty densaýlyq tileımin. Osy oraıda jaǵdaıymdy suraǵandaryńyz úshin úlken alǵysymdy jetkizgim keledi»,- dedi Nurlan Nyǵmatýlın jýrnalısterge qaratyp.
Sonymen qatar tilshiler: «Jumysty saǵyndyńyz ba?» degen saýal qoıdy.
Óz kezeginde Májilis Tóraǵasy em-dom qabyldaǵannan keıin Parlamenttegi qyzmetine oralýǵa asyqqannyn atap ótti.
Budan buryn habarlanǵandaı ,Nurlan Nyǵmatýlınniń júregine Astana qalasyndaǵy Respýblıkalyq kardıologııalyq ortalyqta ota jasaldy.
