Nurlan Nyǵmatýlın: Otan qorǵaý – árbir azamattyń mindeti

NUR-SULTAN. QazAqparat - Májilis tóraǵasy Nurlan Nyǵmatýlın barsha qazaqstandyqtardy erlik pen batyrlyqtyń jáne otansúıgishtiktiń sımvolyna aınalǵan Otan qorǵaýshylar kúnimen quttyqtady, dep habarlaıdy QazAqparat QR Parlamenti Májilisiniń baspasóz qyzmetine silteme jasap.

«Coǵys ardagerlerin, Qazaqstan áskeri qatarynda qyzmet atqaryp júrgen azamattardy elimizde erekshe qurmetpen atalyp ótetin 7 mamyr merekesimen quttyqtaımyn. Búkil Qazaqstannyń, árbir otbasynyń, árbir adamnyń qaýipsizdigi men tynyshtyǵyn saqtaý jolynda kúndiz-túni aıanbaı eńbek etken ardagerlerge alǵys bildire otyryp, áskerı bólimshelerde laıyqty qyzmet atqaryp júrgen erjúrek te jigerli sarbazdarǵa abyroıly, tabysty qyzmet tileımin», - dedi Májilis tóraǵasy.

Nurlan Nyǵmatýlın qaı dáýirde, qaı zamanda bolmasyn Otandy qorǵaý qasıetti borysh ekenin alǵa tartyp, Tuńǵysh Prezıdent, Elbasy Nursultan Ábishuly Nazarbaevtyń táýelsizdik alǵan jyldardan bastap, árdaıym elimizdiń qarýly kúshterine erekshe nazar aýdaryp, onyń nyǵaıýy men damýyna mán beretinin aıtty.

Sonymen qatar, Nurlan Nyǵmatýlın osy jolda Memleket Basshysy Qasym-Jomart Kemeluly Toqaevtyń Elbasynyń áskerı salaǵa degen oń baǵytyn jalǵastyryp, Qazaqstannyń qarýly kúshteri árqashanda táýelsizdiktiń, qoǵamdaǵy tatýlyq pen kelisimniń myzǵymas tiregi bolatynyna senim bildirgenine toqtaldy.

Májilis tóraǵasy barlyq qazaqstandyqtarǵa myqty densaýlyq, baqyt jáne amandyq tiledi.