Nurlan Nyǵmatýlın «Nur Otan» partııasynyń saıası keńesinen shyǵaryldy

NUR-SULTAN. QazAqparat – «Nur Otan» partııasynyń kezekten tys sezi barysynda partııanyń saıası keńesiniń quramy ózgerdi, dep habarlaıdy QazAqparat tilshisi.

Sezd barysynda «Nur Otan» partııasynyń atqarýshy hatshysy Ashat Oralov partııa Jarǵysynyń 9.1.1. tarmaǵyna sáıkes, saıası keńestiń quramyna ózgerister engizý tek qana partııa seziniń quziretine kiretindigin atap ótti.

«Sizderdiń qaraýlaryńyzǵa partııa saıası keńesiniń quramynan partııa músheleri Ospanbek Álseıitov pen Nurlan Nyǵmatýlındi shyǵarý jáne olardyń ornyna partııanyń kelesi múshelerin engizý usynylady: QR Premer-Mınıstri Álıhan Smaıylov, QR Prezıdenti Ákimshiliginiń Basshysy Murat Nurtileý, «Astana» medıtsına ýnıversıtetiniń rektory Qamaljan Nadyrov, Halyqaralyq «Qazaq tili» qoǵamynyń vıtse-prezıdenti Maksım Rojın», - dedi ol.

Bul usynysty sezd delegattary biraýyzdan qoldady.