Nurlan Nyǵmatýlın Memlekettik Dýmanyń birinshi vıtse-spıkerin qabyldady

NUR-SULTAN. QazAqparat – Búgin Májilis Tóraǵasy Nurlan Nyǵmatýlın Reseı Federatsııasy Federaldyq Jınalysy Memlekettik Dýma Tóraǵasynyń birinshi orynbasary Aleksandr Jýkovpen Qazaqstan men Reseı parlamentaralyq yntymaqtastyǵyn keńeıtý máselelerin talqylady, dep habarlaıdy QazAqparat.

Taraptar eki el arasyndaǵy 30 jyl ishindegi yntymaqtastyq týraly aıtyp, Tuńǵysh Prezıdent-Elbasy Nursultan Nazarbaevtyń ekijaqty qarym-qatynastardy damytýdaǵy tarıhı rólin atap ótti.

Nurlan Nyǵmatýlın Reseı Qazaqstannyń negizgi strategııalyq seriktesi jáne odaqtasy, senimdi dos jáne tatý kórshi ekenin, sondaı-aq, memleketaralyq ózara is-qımyl odan ári de arta túsetinin jáne oǵan eki el parlamentteri ózindik úles qosatynyn aıtty.

Óz kezeginde, A.Jýkov Qazaqstan Táýelsizdiktiń 30 jyly ishinde asýlardan ótip, elder arasyndaǵy yntymaqtastyq barlyq baǵyttary boıynsha qarqyndy damyp kele jatqanyna toqtaldy.

Sonymen qatar, Nurlan Nyǵmatýlın Májilis pen Memlekettik Dýmanyń parlamentaralyq komıssııalary men Palata komıtetteriniń birlesken jumysyn jandandyrýdy da qoldady.

Otyrys barysynda UQShU Parlamenttik Assambleıasy, TMD PAA aıasyndaǵy ózara is-qımyldy nyǵaıtý týraly sóz boldy. Májilis Spıkeriniń aıtýynsha, modeldik zańdar, usynymdar men parlamentaralyq is-sharalardyń tájirıbelik sıpaty qazirgi zamannyń ózekti máselelerdi sheshýge yqpal etetin bolady.