Nurlan Nyǵmatýlın medıtsına qyzmetkerlerin quttyqtady
NUR-CULTAN. QazAqparat - Májilis Tóraǵasy Nurlan Nyǵmatýlın elimizdiń densaýlyq saqtaý salasynyń ókilderin Medıtsına qyzmetkerleri kúnimen quttyqtady. Bul týraly QazAqparat Májilistiń baspasóz qyzmetine silteme jasap habarlaıdy.
Nurlan Nyǵmatýlın Májilis depýtattarynyń atynan quttyqtaýdy óziniń Twitter-degi jeke paraqshasynda jarııalady.
«Májilis depýtattary atynan medıtsına qyzmetkerlerin kásibı merekesimen quttyqtaımyn! Búgin ózim aýrýhanada em qabyldap jatqanda, dárigerler men medbıkelerdiń indetpen kúreskenine kýá boldym. Sizderdiń eńbekterińizdi baǵalaımyz! Barshańyzǵa zor densaýlyq jáne amandyq tileımin!» - dep jazdy Májilis Tóraǵasytwitter paraqshasynda.
Nurlan Nyǵmatýlınniń aıtýynsha, Medıtsına qyzmetkeriniń kúni búgingi tańda naǵyz jalpyhalyqtyq merekege aınaldy. Árbir dárigerdiń halyqtyń densaýlyǵyn qorǵaý jolyndaǵy qosqan úlesteri orasan zor.
Osyǵan oraı, Májilis Tóraǵasy barlyq qazaqstandyqtardyń denderine saýlyq jáne amandyq tiledi.
