Nurlan Nyǵmatýlın: Májilis sot júıesin jańǵyrtý jónindegi zańnamalyq jumysty jalǵastyrady
NUR-SULTAN. QazAqparat - Májilis tóraǵasy Nurlan Nyǵmatýlın palatanyń jalpy otyrysynda maquldanǵan sot júıeleri men sýdıalardyń mártebesine qatysty zań jobalaryna qatysty pikir bildirdi, dep habarlaıdy QazAqparat tilshisi.
«Atalǵan zań jobalary sot júıesin jańǵyrtýdyń jalǵasy. Jaqynda ǵana Memleket basshysy Qasym-Jomart Kemeluly Toqaev sot jumysynyń ashyq, ádil jáne zaman talabyna saı bolýyna erekshe nazar aýdardy. Sondyqtan, búgingi qujattarda osy talaptardy zań jaǵynan qamtamasyz etýge arnalǵan mańyzdy normalar qamtyldy. Endi osy normalar sot salasyna bilikti, kásibı, tájirıbeli, jańa mamandardy tartýǵa, sot protsesine joǵary tehnologııalyq múmkindikterdi engizýge jol ashatyn bolady», - dedi Májilis tóraǵasy.
Osy oraıda N. Nyǵmatýlın Májilis sot júıesindegi reformalardy zań jaǵynan qamtamasyz etý jumystaryn odan ári jalǵastyratynyn atap ótti.
Budan buryn habarlanǵandaı, jalpy otyrysta «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zań jobasy , sondaı-aq «Qazaqstan Respýblıkasynyń keıbir zańnamalyq aktilerine sot júıesin jańǵyrtý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
