Nurlan Nyǵmatýlın: Májilis balalardyń quqyqtaryn qorǵaý týraly zań jobasyn qaraıdy
NUR-SULTAN. QazAqparat - Búgin Májilis Spıkeri Nurlan Nyǵmatýlınniń tóraǵalyǵymen Palata Bıýrosy ótip, onda aldaǵy jalpy otyrystyń kún tártibi naqtylandy, dep habarlaıdy QazAqparat Májilisitiń baspasóz qyzmetine silteme jasap.
Bıýro otyrysynda depýtattar qaraýyna balanyń quqyqtaryn qorǵaý máselelerine qatysty zań jobasyn birinshi oqylymda qaraý usynyldy.
Qujat balalar múddesi úshin zańnamany jetildirý, sondaı-aq Bala quqyqtary týraly konventsııanyń erejelerin Qazaqstan Respýblıkasynyń oryndaýy týraly tórtinshi kezeńdik baıandamany qorǵaý qorytyndylary boıynsha B¥¥ Bala quqyqtary jónindegi komıtetiniń usynymdaryn iske asyrý maqsatynda jáne «Balaǵa meıirimdi Qazaqstan» atty eki halyqaralyq konferentsııanyń qorytyndylary boıynsha daıyndalǵan usynymdar sheńberinde ázirlendi.
Atalǵan zań jobasynda sáıkes, qylmystyq, ákimshilik quqyq buzýshylyq týraly jáne eńbek kodeksterine, sondaı-aq, taǵy basqa da birqatar zań jobalaryna túzetýler engizilý usynylady.
Sonymen qatar, kún tártibiniń jobasynda «Qazaqstan Respýblıkasynyń keıbir zańnamalyq aktilerine memlekettik basqarý deńgeıleri arasynda ókilettikterdi qaıta bólý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qaraý usynylmaq.
