Nurlan Nyǵmatýlın Lıvannyń Qazaqstandaǵy elshisin qabyldady
NUR-SULTAN. QazAqparat -Májiliste Palata Tóraǵasy Nurlan Nyǵmatýlın Lıvan Respýblıkasynyń Qazaqstandaǵy Tótenshe jáne Ókiletti elshisi Jıskar El Hýrıdi qabyldady. Bul týraly QazAqparat Májilistiń baspasóz qyzmetine silteme jasap habarlaıdy.
Taraptar ekijaqty, sonyń ishinde, parlamentaralyq qarym-qatynasty damytýdyń ózekti suraqtaryn talqylady. Májilis Spıkeri atap ótkendeı, Lıvan - Qazaqstannyń Taıaý Shyǵystaǵy mańyzdy áriptesi. Eki el arasyndaǵy baılanys syndarly jáne ózara túsinistik deńgeıinde damyp keledi.
Áńgime barysynda beıbitshilik jáne qaýipsizdik máselesine aıryqsha nazar aýdaryldy. Nurlan Nyǵmatýlın Tuńǵysh Prezıdent - Elbasy Nursultan Nazarbaev negizin qalaǵan beıbit ómir basymdyqtaryn ataı kelip, Qazaqstannyń halyqaralyq deńgeıdegi úlesine de aıryqsha toqtaldy.
Kezdesý kezinde qos memleket Parlamentteri arasyndaǵy áriptestikti nyǵaıtý máselesi de áńgimege arqaý boldy. Májilis Tóraǵasynyń pikirinshe, Nur-Sultan qalasynda «Úlken Eýrazııa. Dıalog. Senim. Áriptestik» taqyrybynda ótetin Eýrazııa elderi parlamentteri spıkerleriniń IV keńesine Lıvan Ulttyq Assambleıasy delegatsııasy ókilderiniń qatysýy, sondaı-aq, yntymaqtastyq jónindegi toptar men beıindi komıtetter deńgeıinde tájirıbe almasý parlamentaralyq yqpaldastyqtyń nyǵaıýyna oń áserin tıgizbek.
Óz kezeginde elshi eki el arasyndaǵy baılanys joǵary deńgeıde ekenin jáne ony odan ári tereńdetýge daıyn ekendigin jetkizdi. Jıskar El Hýrıdiń aıtýynsha, Lıvan Qazaqstannyń halyqaralyq qaýipsizdikti nyǵaıtý jáne bitimgerlik bastamalaryn joǵary baǵalaıdy.
