Nurlan Nyǵmatýlın Kıpr Respýblıkasynyń syrtqy ister mınıstrimen kezdesti
Taraptar ekijaqty, sonyń ishinde parlamentaralyq qatynasty damytýdyń ózekti suraqtaryn talqylady.
Májilis tóraǵasy Kıpr Qazaqstannyń Ońtústik Eýropadaǵy mańyzdy saıası áriptesi ekenin aıta kelip, bizdiń elimiz atalǵan memleketpen saıası dılogty, ekonomıkalyq jáne mádenı-gýmanıtarlyq yntymaqtastyqty damytýǵa yntaly ekenin alǵa tartty.
Nurlan Nyǵmatýlın bizdiń memleketimiz óziniń aıryqsha geografııalyq jaǵdaıynyń jáne Qazaqstannyń Tuńǵysh Prezıdenti, Elbasy Nursultan Nazarbaevtyń strategııalyq baǵytynyń arqasynda Eýrazııa boıynsha jańa kólik-logıstıkalyq habyna aınalǵanyn atap ótti.
Kıpr Respýblıkasynyń «jasyl» ekonomıka, tsıfrlyq-tehnologııa, jańartylǵan energııa salasyndaǵy jetistikterin sóz etken Nurlan Nyǵmatýlın osy baǵytta jan-jaqty tájirıbe almasa otyryp, parlamenttik áriptestikti jańa deńgeıge kóterý kerektigine toqtaldy.
Óz kezeginde bizdiń elimizge alǵash ret kelgen Kıpr Syrtqy Іsteri Mınıstri Qazaqstannyń damý qarqynyna tańdanysyn jasyrmady. Sondaı-aq, bizdiń elderimizdiń ózara is-qımyly tabysty damyp kele jatqanyn aıta kelip, barlyq salada ekijaqty qatynasty nyǵaıtýdyń, sonyń ishinde, ınvestıtsııa, saýda, energetıka, aýyl sharýashylyǵy salalarynyń áleýeti zor ekenine toqtaldy.
Taraptar búgingi kezdesý elder arasyndaǵy ózara yqpaldastyqty odan ári kúsheıtýge jáne tereńdetýge jol ashatynyna senim bildirdi.