Nurlan Nyǵmatýlın: Qazaqstandyq júrgizýshiler júrgizýshi kýáligin kórsetýge mindetti bolmaıdy
NUR-SULTAN. QazAqparat - Búgin Májilis Spıkeri Nurlan Nyǵmatýlınnińtóraǵalyǵymen Palatanyń jalpy otyrysy ótip, birqatar zań jobalary maquldandy, dep habarlaıdy QazAqparat Parlament Májilisiniń baspasóz qyzmetine silteme jasap.
Atap aıtqanda, depýttardyń bastamasymen ázirlengen jol júrisi máselelerine qatysty zań jobasy birinshi oqylymda maquldandy.
Májilis tóraǵasy Nurlan Nyǵmatýlın atap ótkendeı, zań jobasynda júrgizýshi kýáligi jáne kólik quralyn tirkeý týraly qujatty júrgizýshiniń ózimen birge alyp júrýge mindetteıtin normalardy alyp tastaý kózdeldi.
Nurlan Nyǵmatýlınniń pikirinshe, qazirgi aqparattyq tehnologııalar keńinen damyǵan tsırflyq kezeńde júrgizýshilerden tıisti qujattardy talap etý, ol – qajetsiz.
Sebebi, polıtsııa júrgizýshi men onyń kólik quraly týraly barlyq qajetti aqparatty jeke kýálik negizinde elektrondyq málimetter qorynan taba alady.
Aıta ketý kerek, túzetýler sheteldik júrgizýshiler men sheteldik kólik quraldaryna qoldanylmaıdy.
