Nurlan Nyǵmatýlın Qazaqstandaǵy Ázerbaıjan elshisin qabyldady

ASTANA. QazAqparat -  Májilis Tóraǵasy Nurlan Nyǵmatýlın Ázerbaıjan Respýblıkasynyń Qazaqstandaǵy Tótenshe jáne Ókiletti elshisi Rashad Mammadovty qabyldady, dep habarlaıdy palatanyń baspaóz qyzmeti.

Taraptar atap ótkendeı, aǵymdaǵy jyldyń sáýir aıynda Elbasy Nursultan Nazarbaevtyń  Ázerbaıjan Respýblıkasyna resmı sapary qos memlekettiń ekijaqty strategııalyq qarym-qatynasyna serpin berdi. Sondaı-aq, sapar barysynda qabyldanǵan eki el Prezıdentteriniń  Birlesken deklaratsııasy kópjaqty yntymaqtastyqtyń negizgi baǵyttary men basymdyqtaryn naqtylaýǵa jol ashty.

N. Nyǵmatýlın atap ótkendeı, Ázerbaıjan Qazaqstan úshin etene áriptes ǵana emes, baýyrlas el jáne tatý kórshi. Sondyqtan Qazaqstan atalǵan elmen barlyq salada yqpaldastyqty nyǵaıtýǵa aıryqsha kóńil bóledi. 

Osy rette Májilis Tóraǵasy baýyrlas elderdiń ózara áriptestigin tereńdetýge yqpal etetin mańyzdy sharalardy alǵa tarta kelip, eki el arasynda dıplomatııalyq qatynastyń ornaǵanyna 25 jyl tolýyn jáne  Qazaqstannyń Islam yntymaqtastyq uıymynyń  ǵylym men tehnologııa jónindegi alǵashqy sammıtin, sonymen birge, halyqaralyq EKSPO-2017 kórmesin ótkizýge qyzý daıyndyq júrgizip jatqanyn basa atap ótti.

  Taraptar eki elde de júrgizilgen konstıtýtsııalyq reformalardyń mańyzdylyǵyna toqtalyp, odan ári parlamentaralyq baılanysty nyǵaıtýdyń ózekti máselelerin talqylady.