Nurlan Nyǵmatýlın ıntegratsııalyq qurylymdarda Qazaqstannyń birkelki ókildigine qatysty pikir bildirdi

NUR-SULTAN. QazAqparat - Májilis tóraǵasy Nurlan Nyǵmatýlın ıntegratsııalyq birlestikterdiń jumys organdarynda Qazaqstannyń birkelki ókildik etý qaǵıdatynyń saqtalýyna qatysty pikir bildirdi, dep habarlaıdy QazAqparat tómengi palatanyń baspasóz qyzmetine silteme jasap.

Búgin Májilistiń jalpy otyrysynda Keden odaǵyna múshe memleketterdiń keden qyzmetteriniń Birikken alqasy týraly shartqa ratıfıkatsııalyq túzetýlerdi qaraý barysynda depýtattar 10 jumys tobynyń ishinen túrli baǵyttar boıynsha birikken áriptestik sheńberinde tek bireýin qazaqstandyq tarap, al 9-yn Reseı ókilderi basqaratynyna nazar aýdardy.

Májilis tóraǵasy Nurlan Nyǵmatýlın bul máseleniń Qazaqstannyń múddesin qorǵaý úshin mańyzdylyǵyn aıtyp, depýtattar barlyq parlamenttik ıntegratsııalyq birlestikterdegi jumys tásilderin ózgertý úshin kóptegen sharalardy qolǵa alyp kele jatqanyna nazar aýdardy.

N.Nyǵmatýlınniń pikirinshe, osyndaı qadamdardy jumys organdarynda da jasaý kerek.