Nurlan Nyǵmatýlın: Elbasynyń bastamalary sheteldikterdiń qyzyǵýshylyǵyn týdyrýda

NUR-SULTAN. QazAqparat - Búgin Májiliste Palata spıkeri Nurlan Nyǵmatýlınniń tóraǵalyǵymen bıylǵy 23-24 qyrkúıekte elordada «Úlken Eýrazııa: Dıalog. Senim. Seriktestik» taqyrybynda ótetin Eýrazııa elderi parlamentteri tóraǵalarynyń IV Keńesine daıyndyq pen ótkizý jónindegi Uıymdastyrý komıtetiniń alǵashqy keńeıtilgen otyrysy ótti, dep habarlaıdy QazAqparat tilshisi.

Atap aıtqanda, parlament ókilderiniń aldaǵy kezdesýi QR Tuńǵysh Prezıdenti, Elbasy Nursultan Nazarbaevtyń eýrazııalyq ıdeıasyna 25 jyl tolýyna arnalady.

Elbasynyń eýrazııalyq bastamasy búgingi kúni álemdik deńgeıde zor áleýetke ıe bolyp otyrǵanyn aıtqan Májilis tóraǵasy, halyqaralyq parlamentaralyq qoǵamdastyq ózekti máselelerdi jáne Qazaqstannyń astanasynda Eýrazııalyq keńistiktiń turaqty damýyn qamtamasyz etý joldaryn talqylaýǵa yntaly ekenin atap ótti.

Іs-sharaǵa 70-ten astam elden delegatsııalar qatysady dep kútilýde.

Osyǵan oraı, Uıymdastyrý komıtetiniń músheleri mańyzy zor saıası halyqaralyq oqıǵa sanalatyn aldaǵy parlamenttik forýmǵa daıyndyq máselelerin qarady.