Nurlan Nyǵmatýlın: Elbasymyz Nursultan Ábishuly Nazarbaev negizin qalaǵan táýelsiz Qazaqstannyń jańa dáýiri bastaldy
ASTANA. 14 jeltoqsan. QazAqparat - Elbasymyz Nursultan Ábishuly Nazarbaev táýelsiz elimizdiń tarıhynda qalatyn taǵy bir uly qadam jasady. Ol Prezıdentimizdiń jarty ǵasyrǵa jýyq kezeńdi qamtıtyn «Qazaqstan - 2050» damý Strategııasy. Bul QR Parlament Májilisiniń Tóraǵasy Nurlan Nyǵmatýlınniń pikiri.
Bul týraly QR Parlament Májilisiniń baspasóz qyzmetinen habarlady.
«Tuńǵysh Prezıdentimiz táýelsizdik alǵan kúnnen bastap, barlyq qıyndyqtardyń ýaqytsha ekenin aıtyp, árqashanda órkenıetke umtylǵan uzaqmerzimdi maqsattar men mindetter qoıyp keledi. Sonyń nátıjesinde Qazaqstanymyz keıbir damyǵan elderdiń ózderi qınalǵan aýyr kezeńderden súrinbeı ótip, dúnıejúzin tańqaldyrǵan tabystarǵa qol jetkizdi. Damýdyń qazaqstandyq úlgisin qalyptastyra otyryp, bedeli bıik, abyroıy joǵary, qýatty memleketke aınaldy», - deıdi Májilis Tóraǵasy.
N.Nyǵmatýlınniń pikirinshe, jetken jetistiktermen toqtaýǵa bolmaıdy. Sol úshin Elbasymyz Qazaqstan halqyna órkenıettiń shyńyna jetýdi maqsat etetin jáne onyń joldary naqty belgilengen mańyzdy Joldaýyn jarııa etip otyr.
«Bul tek ǵana bolashaǵyn boljaı biletin, kemel oıdyń ıesi, sonymen birge, eline, halqyna shynaıy qamqorlyq, janashyrlyq jasaı biletin Nursultan Ábishuly Nazarbaev sııaqty álemdik saıasatkerdiń, dana basshynyń, tarıhı tulǵanyń qolynan keletin ǵalamat uly is. Sondyqtan, táýelsiz Qazaqstannyń taǵy bir tarıhı dáýiri bastaldy deýge bolady», - dep túıindedi N.Nyǵmatýlın.
