Nurlan Nyǵmatýlın: Elbasymyz qazaqstandyqtardy jańa birtutas ult etip qalyptastyrdy
«Osy tarıhı sátte - Elbasymyz oń sheshimder qabyldap, halyqtyń ómirin ózgertýde mańyzdy qadamdar jasady. Nursultan Ábishuly - jańa memleketti ǵana emes, sonymen birge,qazaqstandyqtardy - jańa birtutas ult etip qalyptastyrdy. Sondyqtan, búgingi gúldengen Qazaqstan - Ol Elbasynyń eńbeginiń - nátıjesi. Ol Elbasynyń eńbeginiń - jeńisi men jemisi. Qazaqstannyń Tuńǵysh Prezıdenti tutas býynnyń órkendeý jolyn aıqyndap berdi ári ata-babalarymyzdyń kóp ǵasyrlardan beri ańsap kelgen berik te táýelsiz memleket qurý armanyn iske asyrdy», - deıdi Nurlan Nyǵmatýlın.
Májilis tóraǵasy Elbasynyń basty jetistikterine toqtaldy. Olardyń arasynda elimizdiń egemendi bolýy, barlyq memleket moıyndaǵan shekaralardyń bekitilýi, jańa astananyń salynýy, elimizdiń turaqty damýdyń dańǵyl jolyna túsýi, Qazaqstan qoǵamyndaǵy birliktiń saqtalýy jáne nyǵaıýy, Qazaqstannyń halyqaralyq arenadaǵy joǵary bedelge ıe bolýy sııaqty uly jetistikterdi erekshe atap kórsetti.
«Osynyń bárine Nursultan Ábishuly Nazarbaevtyń qajyrly eńbeginiń arqasynda qol jetkizdik. Elbasynyń basty jetistigi - jarqyn bolashaqqa bet burǵan birtutas ulttyń qalyptasýy», - dep túıdi Nurlan Nyǵmatýlın.
Eske salsaq, Almatyda QR Tuńǵysh Prezıdenti Nursultan Nazarbaevtyń saıası kóshasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasy ótip jatyr.