Nurlan Nyǵmatýlın: Elbasy usynǵan rýhanı jańǵyrý – memlekettiń tiregi, halyqtyń jigeri
ASTANA. QazAqparat - Biz táýelsizdik alǵan sanaýly ýaqyttyń ishinde Tuńǵysh Prezıdentimiz, Elbasy Nursultan Nazarbaevtyń kóregendiginiń arqasynda ańyzǵa aınalatyndaı zor tabystarǵa qol jetkizdik. Osyndaı pikirdi QR Parlamenti Májilisiniń Tóraǵasy Nurlan Nyǵmatýlın «Egemen Qazaqstan» gazetinde jarııalanǵan maqalasynda bildirdi.
«Elbasynyń «BOLAShAQQA BAǴDAR: RÝHANI JAŃǴYRÝ» maqalasy - osy jetistikterimizdi odan ári eseleı túsýdiń, alǵa qoıǵan uly maqsattarǵa jetýdiń berik tuǵyryn ornatýdyń jarqyn kórsetkishi.
Uly memleket árqashanda úndestik zańymen ómir súredi. Osy jolda rýhanı serpilis árbir adamnyń, bútin qoǵamnyń tynysyn ózgertetin erekshe qubylys.
Sondyqtan da, Elbasy halqymyzdyń taǵylymy mol tarıhy men ulttyq salt-dástúrlerin elde júrgizilip jatqan saıası reforma men ekonomıkalyq jańǵyrýdyń ózegine aınaldyra otyryp, Qazaqstan qoǵamy men árbir qazaqstandyqtyń sanasyn jańǵyrtýdyń alty negizgi baǵytyn belgilep berdi.
Olardyń barlyǵy teńdesi joq tarıhı mazmunǵa ıe bola otyryp, aldaǵy damýymyzdyń basty qaǵıdalaryn anyqtady.
Onda qazirgi tańda asa ózekti bolyp tabylatyn, árqaısysy qyrýar jumys kólemin qajet etetin qoǵamdyq-saıası jáne mádenı-aǵartýshylyq jobalar túrinde birqatar naqty sharalar qamtylǵan.
Bul halqymyzdyń aldynda jańa kókjıekter keńistigin ashyp, elimizdi sapalyq jaǵynan jańa damý deńgeıine shyǵaratyny sózsiz.
Biz tehnologııa men ınnovatsııaǵa, jańa ekonomıka salalaryn damytý men zamanaýı ınfraqurylym qurýǵa basa mán bere otyryp, kez kelgen halyqtyń damýynda baǵa jetpes ról atqaratyn rýhanı negizderdi de esten shyǵarmaýǵa tıispiz.
Joǵary bilimdi ári rýhanı jaǵynan baı adamdar ǵana ýaqyttyń jańa syn-qaterlerine jedel den qoıyp, shuǵyl sharalar qabyldaýǵa, batyl qadamdar jasaýǵa qabiletti bolmaq.
Sondyqtan, Elbasymyzdyń Rýhanı jańǵyrý baǵdarlamasy qoǵam damýyna tyń serpin berip, árbir azamatty alǵa jeteleıtin tarıhı kúshke aınalary sózsiz», - delingen maqalada.
