Nurlan Nyǵmatýlın depýtattardy ádep saqtaýǵa shaqyrdy
ASTANA. QazAqparat - Búgin Parlament Májilisiniń spıkeri Nurlan Nyǵmatýlın Májilis tóraǵasy janynan Depýtattyq ádep keńesi qurylǵandyǵynan habardar etti. Bul týraly Májilistiń baspasóz qyzmeti habarlady.
N. Nyǵmatýlın atap ótkendeı, bul keńes depýtattyq ádep erejelerin buzǵan jaǵdaıda, tıisti zańdardy basshylyqqa ala otyryp, Ortalyq saılaý komıssııasymen birlesip, depýtattyq etıkany buzýǵa jol bermeı, kerek ýaqytta jazalaý sharalaryn qoldaný jóninde usynystar ázirleıtin bolady.
Elimizge belgili qoǵam qaıratkeri, Májilis depýtaty, Halyqaralyq ister, qorǵanys jáne qaýipsizdik komıtetiniń múshesi Qýanysh Sultanov basqaratyn keńestiń músheleri: Saýytbek Abdrahmanov, Quralaı Qaraken, Evgenıı Kozlov, Ekaterına Nıkıtınskaıa, Shavhat Ótemisov, Turǵyn Syzdyqov.
