Nurlan Nyǵmatýlın Chehııanyń Qazaqstandaǵy elshisin qabyldady
Taraptar ekijaqty qarym-qatynasty, sonyń ishinde parlamentaralyq yqpaldastyqty damytýdyń ózekti suraqtaryn talqylady.
Májilis tóraǵasy Chehııa Qazaqstannyń Eýropadaǵy mańyzdy áriptesi ekenin alǵa tarta kelip, eki el arasynda barlyq deńgeıde belsendi baılanys ornaǵanyn atap ótti.
«Ol eń aldymen, Qazaqstannyń Tuńǵysh Prezıdenti Nursultan Nazarbaev pen Chehııa Respýblıkasynyń Prezıdenti Mılosh Zemannyń birlesken eńbeginiń jemisi. Májilis tóraǵasynyń pikirinshe, parlamentaralyq ózara is-qımyl ekijaqty qatynastyń mańyzdy bóligi bolǵandyqtyn, taraptar aradaǵy baılanysty tereńdetýge múddeli. Ásirese, ekonomıkanyń agrarlyq jáne ónerkásiptik sektoryn reformalaý, densaýlyq saqtaý júıesi, bilim týrızm salasyn damytý tetikterin meńgerý zor qyzyǵýshylyq týdyrady», - delingen baspasóz baıanynda.
Óz kezeginde elshi elimizdiń damý qarqynyna joǵary baǵa berip, Qazaqstannyń damý áleýetiniń zor ekenin atap ótti.
Kezdesý barysynda taraptar, saıası, saýda-ekonomıkalyq suraqtardy jan-jaqty nazarǵa aldy.
N. Nyǵmatýlın 23-24 qyrkúıekte Nur-Sultan qalasynda «Úlken Eýrazııa. Dıalog. Senim. Áriptestik» taqyrybynda ótetin Eýrazııa elderi parlamentteri spıkerleriniń IV keńesine kóńil bólip, mańyzdy jıynǵa qatysty máselelerdi talqylady.