Nurlan Nyǵmatýlın Cheh Parlamenti palatalarynyń basshylarymen kezdesti
ASTANA. QazAqparat - Májilis Tóraǵasy Nurlan Nyǵmatýlın Cheh Respýblıkasyna resmı sapary barysynda Cheh Parlamenti palatalarynyń basshylarymen kezdesti, dep habarlaıdy tómengi Palatanyń baspasóz qyzmeti.
Depýtattar Palatasynyń tóraǵasy Radek Vondrachekpen júzdesý barysynda Májilis Spıkeri óz áriptesin Palatanyń qurylǵanyna 25 jyl tolýymen quttyqtaı kelip, parlamentaralyq únqatysýdyń mańyzdylyǵyna toqtaldy.
Májilis Tóraǵasy atap ótkendeı, Chehııamen ózara tıimdi ári jan-jaqty qarym-qatynastardy damytý - Qazaqstannyń syrtqy saıasatyndaǵy basym baǵyttardyń biri.
N. Nyǵmatýlınniń pikirinshe, bizdiń elderimizdiń ásirese, mashına qurlysy, aýylsharýashylyǵy, tehnologııa, ınnnovatsııa baǵytyndaǵy yntymaqtastyǵynyń áleýeti zor jáne Qazaqstan Prezıdenti Nursultan Nazarbaevtyń aldyńǵy qatarly tsıfrlyq tehnologııalardy engizý tapsyrmasyna oraı onyń mańyzdylyǵy burynǵydan arta túspek. Osy oraıda N. Nyǵmatýlın Cheh Respýblıkasynyń zertteý jáne ınnovatsııany qoldaý ári retteý baǵytynda arnaıy qabyldaǵan Zańy qazaqstandyq parlamentshilerdiń qyzyǵýshylyǵyn týdyrǵanyn jetkizdi.
Kezdesý barysynda taraptar beıindi komıtetter deńgeıinde ózara yqpaldastyqty tereńdetýge aıryqsha nazar aýdardy. Sonymen birge, Májilis Spıkeriniń aıtýynsha EKSPO - 2017 kórmesi ornyna qurylǵan jasyl tehnologııalar men ınvestıtsııalyq jobalardy damytý halyqaralyq ortalyǵy, IT - startaptar halyqaralyq tehnoparki qazaqstandyq-chehtik ózara is-qımyldy kúsheıtýdiń zor múmkindigi.
Taraptar halyqaralyq ózekti suraqtarǵa da kóńil bóldi. Qazaqstan Prezıdenti Nursultan Nazarbaevtyń ásirese, ıadrolyq qarýsyzdaný jáne taratpaý tóńiregindegi mańyzdy bastamalaryna toqtalǵan N. Nyǵmatýlın Cheh eliniń BUU aıasynda ortaq maqsattardy ilgerletkeni úshin rızashylyq bildirdi.
Radek Vondrachek bizdiń elimizdiń BUU QK aıasyndaǵy jumysyna joǵary baǵa berip, Qazaqstan men Chehııanyń turaqtylyq pen qaýipsizdikti saqtaý jolyndaǵy qadamdaryn atap ótti.
Odan ári N. Nyǵmatýlın Chehııa Parlamenti Senatynyń tóraǵasy Mılan Shtehpen kezdesip, yntymaqtastyqty nyǵaıtýdyń mańyzdy baǵyttaryn talqylady.
